Project habitaziuns per famiglias en casa da scola Sumvitg

La vischnaunca Sumvitg ha l'intenziun da reutilisar las stanzas da scola ell'emprema alzada digl anteriur baghetg da scola Sumvitg en duas habitaziuns per famiglias. El decuors dils davos meins ha ina cumissiun en collaboraziun cul biro d'architectura spacial design GmbH elaborau in preproject. Cun quei preproject duei ussa vegnir sclariu igl interess. Schebein ei dat interessents d'affittaziun vegn il project persequitaus vinavon igl atun cun la finamira da realisar las habitaziuns sin ils 1 d'october 2022.

Ulteriuras informaziuns saveis Vus interprender ord la documentaziun. Schebein Vus haveis damondas ni interess supplichein nus da contactar l'administraziun communala (tel. 081 920 25 00). 

Cumissiun habitaziuns Sumvitg