L’architectura el decuors dils onns

Tgi ch’enquera fastitgs d’architectura contemporana veglia dil territori alpin anfla entgins exempels ella vischnaunca da Sumvitg. Ils baghetgs che vegnan presentai cheu ein perdetgas dil svilup dalla architectura ella regiun.

casa tradiziunala a Runs
casa tradiziunala a Runs

A Sumvitg sco era en ulteriurs loghens dalla Surselva era l’agricultura entochen a miez dil 20. tschentaner il pli impurtont sectur d’economia.
Buca mo la fuorma da habitadi dils vitgs mobein era il terren cunfinont ein influenzai dall’agricultura. Aunc oz ei da cattar fastitgs da temps vargai sco per exempel clavaus, mulins e chischners che documenteschan il ciclus economic.

caplutta a Val Val Sumvitg
caplutta a Val / Val Sumvitg

Sin la spunda el nord sut Clavadi ein tals clavaus da cattar. Cun la midada dallas structuras agraras vegn questa simbiosa denter cuntrada ed architectura a sparir ils proxims decennis.

Plinavon procuran ils numerus edifecis sacrals per in maletg dil vitg special. Sper la baselgia da Sumvitg e las baselgias da Rabius, Surrein e Cumpadials las qualas sesanflan el centrum dils vitgs crodan era las numerusas capluttas entras lur cumparsa alva en egl.

casa da Simon Jacomet
casa da Simon Jacomet in Surrein

Dapi entgins onns dat ei era da contemplar architectura dil temps modern. Quella ei bein integrada ella cuntrada.
In motiv per ils moderns baghetgs ei segirafranc il svilup dil turissem.

fotografias/text: archiv da vischnaunca/Gieri Monn, text: Gieri Monn