Publicaziuns

Salids ed auguris per las fiastas da Nadal e Daniev

La suprastonza e l’administraziun communala giavischan a Vus, preziadas convischinas e preziai convischins, bialas e legreivlas fiastas da Nadal. Per la scumiada digl onn augurein nus buna sanadad, e tut bien. En num dallas autoritads communalas engraziein nus da cor per tut engaschi en favur dalla vischnaunca.

,

Uras da spurtegl denter Nadal e Daniev

L’administraziun communala resta serrada sur las fiastas da Nadal e Daniev sco suonda:

  • naven da mardis, ils 24-12-2019 entochen gievgia, ils 26-12-2019
  • naven da mardis, ils 31-12-2019 entochen gievgia, ils 02-01-2020

Sumvitg,

Radunonza da vischnaunca

La proxima radunonza da vischnaunca ha liug gievgia, ils 19 da december 2019 allas 20.00 uras a Sumvitg.

Gliesta da tractandas

  1. Avertura e beinvegni
  2. Elecziun da 2 dumbravuschs
  3. Protocol dalla davosa radunonza communala dils 11-06-2019
  4. Tractaziun ed approbaziun dil preventiv communal 2020
  5. Fixaziun dils peis da taglia 2020
  6. Tractaziun ed approbaziun d’in emprest bancar da 2‘000‘000 francs
  7. Elecziuns da delegai e suppleants en corporaziuns da vischnauncas (perioda d’uffeci 2019-2022)
  8. Revisiun parziala dalla lescha davart beins e dretgs immobiliars (DC 100.000)
  9. Tractaziun ed approbaziun dil project da catramar la Via da Marias a Sumvitg e concessiun dil credit brut da 120‘000 francs
  10. Tractaziun ed approbaziun dil relasch digl emprest da 150‘000 francs alla Societad cooperativa da consum Surrein-Rabius
  11. Orientaziuns
  12. Varia

Il preventiv 2020 ei sin questa pagina disponibels ni sa vegnir retratgs sin canzlia duront las uras da spurtegl.

Suprastonza communala

Sumvitg,

Sanaziun mir santeri Sumvitg

En connex culla sanaziun dil mir santeri a Sumvitg sto il passapei denter la casa nr. 83 (Via Sursilvana 29, Astrid Duff) e la scala che meina giu Fontauna Sut vegnir serraus per tuts pedunzs. Ils pedunzs san duront quei temps duvrar las vias da Fontauna Sut ni da Sum il Vitg ni il vial sin baselgia e tras il santeri. Las lavurs cuozzan prevedentamein entochen miez november. Ils 12 da fenadur entochen ils 19 d’uost vegnan las lavurs muort las vacanzas da stad interruttas. Duront quei temps ei il passapei aviarts pils pedunzs. Per ulteriuras informaziuns stat il biro Deplazes (081 943 25 60) bugen a disposiziun.

Sumvitg,