VIRUS DA CORONA

Naven dils 17 d'october 2020 vala in obligatori da mascrina per tut ils locals interns accessibels. En special setracta ei da fatschentas, stizuns, postas, museums, teaters, edifecis d'administraziuns, baselgias, kinos, staziuns, bibliotecas, hotels e menaschis da gastronomia.

Igl uffeci da sanadad dil cantun Grischun pretenda cun disposiziun dils 22 da fenadur 2020 che las vischnauncas intensiveschien las controllas tier menaschis ed occurrenzas ch'ein aviartas per la publicitad. Nus supplichein tut ils menaschis ed organisaturs d'occurrenzas da setener vid ils concepts da schurmetg. Tier damondas supplichein nus da contactar l'administraziun communala (081 920 25 00).

Ulteriuras informaziuns ein disponiblas sin la pagina d’internet www.gr.ch.

Nus supplichein per enconuschientscha e supplichein da risguardar las mesiras. 

 

Sumvitg, ils 19-10-2020

Stab da crisa

Beinvegni en la vischnaunca da Sumvitg

En questas paginas anfleis Vus da tuttas sorts informaziuns davart la vischnaunca da Sumvitg. Cefras che pertuccan la vischnaunca, activitads dalla veta culturala, downloads ni semplamein entginas fotografias dalla vischnaunca – tut quei ed aunc bia auter stat a disposiziun cheu a Vus.

Nus sperein che nossa purschida d’internet svegli Vies interess. Dapli impressiuns ed aventuras nunemblideivlas saveis Vus experimentar direct tier nus.

Cordial engraziament per Vossa viseta ed ad a bien seveser.