Cartas dil di

La vischnaunca da Sumvitg porscha per mintga di calendaric duas cartas dil di dalla VFF 2. classa. Quella carta saveis Vus duvrar per viagiar cun quasi tut ils mieds da traffic publics en Svizra (p.ex. tren, auto da posta, tram, bastiment). Ina midada da classa ei pusseivla, igl alzament sto denton vegnir pagaus al spurtegl. Quellas ein buca persunalas ed ein aschia transferiblas.

Reservaziuns san vegnir fatgas per telefon, al spurtegl ni online sin la pagina d’internet. Las cartas dil di san vegnir empustadas online maximal 3 meins avon il di da reservaziun. La carta dil di cuosta frs. 45.--. Igl import ei da pagar tier la retratga dalla carta al spurtegl. Tier spediziun cun posta ei la summa da frs. 45.-- plus frs. 5.-- spesas e porto da pagar cun il cedel da pagament aschuntau.

Cartas dil di ch’ein aunc disponiblas san vegnir empustadas naven dalla 8:00 uras il di avon il datum valeivel da viagiar per il prezi reduciu da frs. 20.--. Croda il di da viagiar sin ina sonda, dumengia ni gliendisdis sa la carta vegnir empustada e retratga naven dil venderdis endamaun allas 8.00 uras. La carta cul prezi reduciu sa denton mo vegnir retratga e pagada directamein al spurtegl dalla canzlia communala.

Nus fagein attents che las cartas cumpradas san buca vegnir returnadas. Cartas dil di reservadas e buca retratgas vegnan tschentadas a quen tenor prezi da cumpra.

Vossa carta dil di saveis vus reservar cheu.

Sclariment dat bugen l’administaziun communala Sumvitg, Via Quadras Su 10, 7175 Sumvitg, telefon 081 920 25 00 ni info [at] sumvitg [dot] ch.

Nus giavischein in bien viadi!