VIRUS DA CORONA

Virus da corona

La Regenza dil cantun Grischun ha decidiu sin fundament dalla situaziun dil virus da corona pliras mesiras.

Quellas mesiras han grondas consequenzas per la societad ed era per nossas uniuns.

Denter auter vala la suandonta mesira naven da sonda, ils 14 mars 2020 entochen ils 30 d’avrel 2020:

  • Tut las activitads dallas uniuns sco radunonzas, trenaments, exercezis ein scumandadas.

Administraziun communala

Muort la situazion dil virus da corona resta il spurtegl dall’administraziun communala pil mument serraus. Tuttas damondas all’administraziun ston succeder en emprema lingia per telefon ni e-mail. L’administraziun communala decida allura schebein ei drova in’audienza.

 

Agid per gruppas da resca

Per persunas dalla gruppa da resca sco senior/as (65 onns +) ni persunas cun malsognas che duessan buca bandunar la casa che basegnan agid (p. ex. far cumissiuns, pagaments da banca, posta, viadis tier miedis etc.) porscha la vischnaunca agid. Talas persunas ein supplicadas da s’annunziar tier l’administraziun communala (081 920 25 00). La vischnaunca vegn a sestentar per procurar per in agid corrispundent.

 

Duront las proximas jamnas ei il stab crisa contonschibels duront 24 uras sin la numera 081 920 25 00. Ulteriuras informaziuns ein disponiblas sin la pagina d’internet www.gr.ch.

 

Nus supplichein per enconuschientscha e supplichein da risguardar las mesiras. Mo communablamein savein nus impedir la derasaziun dil virus da corona.

 

Sumvitg, ils 16-03-2020

Stab da crisa

Beinvegni en la vischnaunca da Sumvitg

En questas paginas anfleis Vus da tuttas sorts informaziuns davart la vischnaunca da Sumvitg. Cefras che pertuccan la vischnaunca, activitads dalla veta culturala, downloads ni semplamein entginas fotografias dalla vischnaunca – tut quei ed aunc bia auter stat a disposiziun cheu a Vus.

Nus sperein che nossa purschida d’internet svegli Vies interess. Dapli impressiuns ed aventuras nunemblideivlas saveis Vus experimentar direct tier nus.

Cordial engraziament per Vossa viseta ed ad a bien seveser.