Pleivs

Pleiv Sumvitg – pleiv catolica da Sumvitg

Las quater baselgias e dudisch capluttas sco era las tradiziuns dalla baselgia han gronda influenza sin la cultura dalla vischnaunca da Sumvitg. Dapi igl onn 2017 dat ei mo pli ina pleiv catolica. Quella ei neschida etras la fusiun dallas pleivs da Rabius, Sumvitg/Cumpadials e Surrein.
Ulteriuras informaziuns davart la pleiv catolica ein disponiblas sin la pagina d’internet dalla Pleiv Sumvitg.

Pleiv reformada dalla Cadi

Il center dalla pleiv reformada dalla Cadi ei a Mustér-Raveras. AUA VIVA – quei ei il num dil center dalla pleiv reformada dapi che quel ei vegnius inauguraus igl onn 1999. Il logo „aua viva“ ei il simbol per igl origin dalla veta e per il batten. La pleiv viva lur cuminonza tier survetschs divins, cun far musica e cantar sco era tier seras da discussiun e referats.
Ulteriuras informaziuns davart la pleiv ein disponiblas sin la pagina d’internet dalla pleiv reformada dalla Cadi.