Lavar aur

Restricziuns da lavar aur ella Val Sumvitg
El decuors dils davos onns ein las reclamaziuns pertuccont il lavar aur s’augmenta¬das marcantamein. En quei connex ei vegniu menau atras pliras controllas davart digl uffeci da pesca ensemen cun la polizia cantunala e la vischnaunca. Sin fundament dallas constataziuns duront quellas controllas ha la suprastonza commu¬nala decidiu a caschun dalla seduta dils 24-03-2014 da decretar scamonds da lavar aur e quei en differents loghens e duront temps limitai. Ei setracta en spezial dils suandonts scamonds e territoris:

Territori ch’ei scumandaus igl entir onn:
–  Acla Mulin entochen alp Vallesa e val Naustgel
–  Las Plattas – sut Val

Territori ch’ei scumandaus naven dils 15-08  –  15-09
–  sut Val – Reufla – sut Bogn Tenigia

La signalisaziun el liug dils cunfins succeda cun marcar crappa cun las collurs TGIETSCHEN e BLAU.

Revisiun dalla lescha davart cavar cristalas e lavar aur
La radunonza communala dils 16-12-2014 ha revediu la lescha davart cavar cristalas e lavar aur. Daniev basegna ei ina lubientscha per lavar aur. Pigl auter ei il temps da lavar aur vegnir fixaus daniev sin ils 1. da matg entochen ils 15 da settember. Igl ulteriur temps ei serraus per lavar aur.
Ulteriuras damondas sco era la lubientscha da lavar aur san vegnir retratgs tier l’administraziun communala a Sumvitg.

Sumvitg, fevrer 2015
La suprastonza communala Sumvitg

Territori scumandai da lavar aur

lingia cotschna scumandau igl entir onn
lingia blaua  scumandau naven dils 15-08