Nies Tratsch

Nums locals dalla vischnaunca Sumvitg


Nies Tratsch
 

 

  • Ediziun: romontscha
  • Autur: Paul Mathias Cathomas
  • ©Vischnaunca Sumvitg, 7175 Sumvitg

 


L’ovra „Nies tratsch – Nums locals dalla vischnaunca Sumvitg” da Paul Mathias Cathomas ei cumparida igl onn 2016. Il cudisch ha 752 paginas, cuntegn la descripziun da 1823 nums locals e peisa 1509 grams. L’introducziun plaida il suandont: Nums locals ein buca mo semplamein nums. Davos mintga num schai ina historia, ina persunala, ina dil contuorn ni ina dalla vischnaunca. Igl autur presenta buca mo nums, el interpretescha els, localisescha els precisamein, numna lur vischins ni vischinas e viventa els ton sco pusseivel. Aschia rasan biars nums ora entiras historias, historias da schabetgs ed eveniments, leghers e tragics. Biars nums ensiaran la historia dil liug ed ils nums dallas fracziuns raquentan mintgamai da lur svilup e da lur historia tochen al di dad oz. Auters nums laian reviver persunas cun lur schabetgs ed ils nums da famiglia anflan medemamein ina declaronza da derivonza. La raccolta en quels 1800 nums ei gronda e da valeta culturala e historica per la vischnaunca da Sumvitg.


Igl autur scriva en siu plaid sin via: „Quei sulom da nos perdavons ha fascinau mei da luvrar 27 unviarns, per metter en salv enzatgei per nus tuts, seigi ord respect pils trapassai, per nus arrivai e per las generaziuns aunc buca naschidas. Il territori tractaus s’extenda dil Tödi al Péz Vial e da Tschuppina a Pardomat. Ses nums locals regordan alla domena da conquistar ed haver possess, ad eveniments e disfortunas, a puncts orientativs e posiziunals. Els ein stai promovi da lur pievel attaschau, che fageva tratsch, dustava la fom e mesirava cun curtaunas da graun.“


Empustaziun:
Il cudisch “Nies tratsch – Nums locals dalla vischnaunca Sumvitg” sa vegnir retratgs tier la canzlia communala Sumvitg, 7175 Sumvitg, tel. 081 920 25 00 ni per email sut info@sumvitg.ch.

Prezi per cudisch frs. 45.00 + spesas


Flexicard

Info dalla vischnaunca

Administraziun communala
Via Quadras Su 10
7175 Sumvitg
Telefon 081 920 25 00
Fax 081 920 25 08
E-Mail
Kontakt
avertura dil spurtegl
  • gli-ven 08.00-11.00 / 16.00-17.00*
  • *mardis suentermiezdi mintgamai naven dallas 16.00-18.00