 |
|
L'architectura el decuors dils onns
|
Tgi ch'enquera fastitgs architectonics da temps vargai ni contemporans ellas regiuns alpinas, anfla entgins buns exempels da tals ella vischnaunca da Sumvitg. Ils edifecis eligi ora cheusut dueian representar il svilup ell'architectura da quella regiun.
|
Casa tradiziunala a Runs | Sco aunc en biars loghens ella Surselva fuva l'agricultura tochen viers la mesadad dil 20avel tschentaner era a Sumvitg l'impurtonta fuorma economica. Buca mo la fuorma dils vitgs, mobein era la cultira els contuorns da quels, ha survegniu speciala tempra creativa.
Aunc oz anflein nus ella cuntrada fastitgs da temps vargai: clavaus vegls, faners, mulins e chischners che documenteschan il ciclus economic da pli baul.
|
Caplutta en Val/
Val Sumvitg |
La spunda dil nord, sut Clavadi, cun ses numerus clavaus e clavauets, ei caracteristica per tals maletgs agricols che representan ina certa simbiosa denter cuntrada ed architectura; in maletg che vegn probablamein a svanir els proxims decennis pervia d'ina nova structura agrara.
In ulteriur factur che ha dau speciala tempra alla cuntrada architectonica ein ils numerus edifecis sacrals ella vischnaunca da Sumvitg. Sper la baselgia parochiala da Sumvitg, sco era las baselgias da Rabius, Surrein e Cumpadials, che marcheschan mintgamai il center dil vitg, sesanfla era in diember capluttas, las qualas paradeschan en lur usitai vestgius alvs en zun differents loghens dalla cuntrada. |
Casa digl artist Simon Jacomet
a Surrein |
Dapi entgins onns anfl'ins era fastitgs dall'architectura moderna, fastitgs che creeschan in niev dialog culla cuntrada.
In motiv per l'existenza da quellas construcziuns modernas ei segiramein era la pintga influenza dil turissem e dil stil indigen ligiont.
Fotos/Text: Archiv communal/Gieri Monn, Text orig. tudestg: Gieri Monn |
|
| |
|
|
|
