Transport da curdems da gronda dimensiun
La vischnaunca organisescha duront igl onn 2009 la rimnada da rufid bloccont sco suonda:
venderdis, ils 23 d'avrel 2010
venderdis, ils 23 da fenadur 2010
venderdis, ils 22 d'october 2010
NIEV vegn rimnau il rufid per l'entira vischnaunca sin la plazza Igniu (sper baghetg stradal)
La rimnada ha liug mintgamai mo 1 di, persuenter inaga dapli per onn!
Aschia sto il rufid buca vegnir tenius si aschi ditg a casa. Ils curdems ein da deponer sulettamein els containers tschentai sil plaz, ferradira en in container separau.
Per tener-casa vegn priu encunter max 2 m3 rumians. Quantitads pli grondas, per ex. ord rumidas da casas e clavaus ein da transportar directamein e sin cuost dil caschunader ella deponia regiunala a Rueun.
Ei vegn acceptau:
 maschinas pintgas e mopeds mo cun tratg giu ieli e benzin
ferramenta electronia e maschinas da lavar
mobilias ed indrezs da casa
ulteriurs curdems che vegnan buca rimnai cun ils transports jamnils
per pneus senza gavegl vegn incassau ina taxa da frs. 5.--, cun gavegl frs. 10.--
Buca accpetau vegnan:
maschinas agricolas
lenna da brisch
rumians da fatschentas
curdems da baghetg (Bauschutt), quels ein da transportar directamein a Rueun
curdems verd da curtin e caglias, tals curdems san vegnir deponi sil plaz da rimnada
ad Igniu
calzers da skis san vegnir dai giu a sgr. Ernst Orlik a Rabius per frs. 5.--, quels van en
favur dalla ARGO Tavau
cartun e pupi duei vegnir surdau alla rimnada entras las scolas resp. las uniuns ni
transportau directamein a Rueun
blachas da ballas da silo (verdas ni alvas)
Nus appelein alla responsabladad da vischinas e vischins e supplichein da setener vid quellas ordinaziuns en favur digl ambient. Medemamein fagein nus attents da buca deponer rumians sin deponias illegalas (selvadias). Talas deponias cunterfan alla lescha ed il reglament per la dismessa da rumians e vegnan annunziadas als organs responsabels.
7175 Sumvitg, mars 2010
Departament d'ambient
|
