Reelecziun da cumissiuns accessoricas e da delegaziuns en corporaziuns intercommunalas ni regiunalas
Per contonscher in temps d’uffeci unitar denter autoritads communalas ed ulteriuras cumissiuns ni delegaziuns ha la suprastonza communala ordinau la reelecziun da tuts tals gremis sin l’entschatta dalla nova perioda d’uffeci. Ei setracta cheu dallas suandontas cumissiuns:
- Cumissiun da fiug
- Cumissiun da perimeter
- Cumissiun da cultura
- Cumissiun donaziun Greina
- Cumissiun lavur da giuventetgna Cadi
- Stab directiv communal da crisa
- Biro electoral
- Cussegl d'administraziun "la valischa sa"
Plinavon vegnan ils suandonts delegai a corporaziuns ni colligiaziuns regiunalas da vischnauncas tenor art. 50ss dalla lescha cantunala da vischnaunca reelegi, numnadamein:
- Uniun sursilvana da spital
- Corporaziun casa da tgira Sutsassiala
- Uniun da Spitex Cadi
- Corporaziun serenera Zavragia
- Corporaziun schigentera solara da gliet Cadi
- Consorzi silo da sal dallas vischnauncas Breil, Trun e Sumvitg
- Consorzi register funsil Cadi
- Uniun Parc Adula
Mandataris che stattan vinavon a disposiziun per in’ulteriura perioda d’uffeci valan sco proponi. Commembers che vulan seretrer da lur post ein supplicai d’inoltrar l‘abdicaziun entochen ils 13 d'uost 2010 alla suprastonza communala a scret, quei sa era succeder per mail a info@sumvitg.ch. Silsuenter vegnan ils organs communals cumpetents a far las elecziuns per ina nova perioda d’uffeci 2010 – 2013.
Suprastonza communala Sumvitg
|
