La suprastonza communala ha sin proposta dil cussegl da scola decidiu a caschun da sia davosa seduta da midar il tip da scola dil model B al model C tier il scalem superiur. L'instrucziun dil model C entscheiva cun l'entschatta digl onn da scola 2008/2009. Quei model vegn instruius en dus nivels. Ils roms da nivel ein tudestg, matematica/geometria e romontsch.
Suprastonza communala
Scola superiura da Sumvitg
Scalem superiur (scalem secundar I)
Il scalem secundar I dalla scola populara cumpeglia la scola secundara, la scola reala e la classa pintga integrada. Quels treis tips da scola ensemen vegnan era numnai scalem secundar I.
Cuoz: per regla treis onns (sin damonda eis ei pusseivel da frequentar il dieschavel onn da scola voluntari tenor la Lescha da scola cantunala).
Finamiras generalas: la scola reala approfundescha ed amplifichescha la scolaziun fundamentala intermediada dallas scolas precedentas. Ella promova sper las capacitads intellectualas era igl inschign pratic dallas scolaras e dils scolars e prepara els per igl emprendissadi. Era la scola secundara approfundescha ed amplifichescha la scolaziun fundamentala. Ella intermediescha ina vasta savida generala e prepara las scolaras ed ils scolars per igl emprendissadi e las scolas cuntinuontas. Ils roms sedrezzan tenor il plan d’instrucziun cantunal. Il scalem secundar I vegn menaus sco scola cooperativa tenor il model C.
La sutdivisiun en scola reala, scola secundara e classa pintga integrada vegn mantenida. Els treis roms tudestg, matematica/geometria e romontsch vegnan las scolaras ed ils scolars dils differents tips da scola instrui a moda interdisciplinara e tenor lur capacitads en dus nivels.
Nivel I: premissas fundamentalas
(nivel da scola reala)
Nivel II: premissas extendidas
(nivel da scola secundara)
Il menader da scola
|
