Dapi il gliendisdis, ils 12-03-2007 ei la firma da baghegiar Bianchi SA fatschentada cun lavurs vid la greppa da Portas. Il grep ei aunc adina en moviment e seruschna enqualga enteifer 24 uras per 2 cm. Ina guardia si ella greppa observa ed alarmescha en cass d’urgenza ils luvrers. Ord motivs da segirtad e per buca piarder temps eis ei è vegniu luvrau sur sonda e dumengia. Priu ora in pèr incaps ein las lavurs idas bein vinavon. Venderdis, ils 23-03-2007 vegnan probablamein las davosas ruosnas furadas. Silsuenter vegn cargau e sittau giuado il grep zacu suntermiezdi. La firma Beer SA ha l’incumbensa da schurmegiar la via Val. Quei duei succeder entras lenna e material en via. Ord quei motiv vegn la via Val serrada per tut traffic il venderdis endamaun, ils 23-03-2007 naven dallas 08.00. Sche pusseivel duei la via lu vegnida aviarta suenter la siglientada. Ord differents motivs sa ei denton dar incaps e perquei ein ils termins da guder cun precauziun. Aspectaturs ein supplicai da serender a Vaulas ni Miralv.

Per damondas saveis Vus sevolver tier:

Flurin Cathomas, selvicultur da revier 079/ 681 19 67
Werner Tuor, uffeci stradal 079/ 638 18 19