 |
 |
| |
|
La notg dalla mesjamna silla gievgia dils 07 sils 08-03-2007 ein ca 500 m³ i a val ella greppa da Portas avon il portal sid dil tunnel dils Barschaus. La gronda part dil material ha pudiu sut la punt ora e mo entgins craps ein curdai silla punt. Aschi ha quella bova ha buca caschunau pli gronds donns. Il grep ei denton aunc adina fetg labils e smanatscha da curdar.
Il terren da Portas ei vegnius observaus gia dapi entgins onns. El seruschnava mintg’onn per entgins centimeters. Ord quei motiv han il cantun e la vischnaunca decidiu da prender mesiras ed exequir las lavurs en connex cul project integral forestal Sumvitg. Il matg 2007 era previu da furar il grep e siglientar giuadora el. Suenter igl eveniment dalla gievgia vargada han ils responsabels decidiu d’entscheiver aschi spert sco pusseivel cullas lavurs. Actualmein ei igl impressari vid las lavurs d'installaziun. Las lavurs vegnan a cuzzar ca. 3 tochen 4 jamnas.
Ord motivs da segirtad resta la via Val serrada immediat per tut traffic. Igl ei denton pusseivel da passar il liug da prighel mintgadi duront las suandontas uras:
|
08.30- 09.30 uras
12.30- 13.00 uras
16.00- 17.00 uras
|
Informaziuns actualas survegnis Vus mintgamai entras il Fegl ufficial ni sut www.sumvitg.ch.
|
Ulteriur sclariment dat ei tier:
Tuor Werner, 079/ 638 18 19
Cathomas Flurin, 079/ 681 19 67
|
Nus supplichein per enconuschientscha
Il selvicultur da revier
Flurin Cathomas |
